黄子华最后一次栋笃笑昨晚正式开锣！台下观众星光熠熠，包括刘嘉玲、施南生、白雪仙、陈宝珠、李嘉欣、黄秋生、吴镇宇、古巨基夫妇、萧定一夫妇、蔡一杰、苏施黄、金燕玲、鄺美云、苏永康与老婆Anita、关心妍夫妇、谷德昭、林子善夫妇、曾励珍及马海伦等到场睇骚。
黄子华栋笃笑昨晚喺11点完，喺完骚前子华话：「呢个时候我真係好羡慕啲歌星，因为啲歌星唔使讲乜嘢，只係唱首歌，巨星收山梗係唱一首歌，当然我哋嘅巨星收山，必然係会复出，你放心，我唔係巨星，我只係有啲观众缘啫，但係，我就係想唱歌，我唔单止想唱歌，仲想唱啲其他巨星唔会想唱嘅歌，我要唱时代曲，係香港第一代嘅时代曲，即係粤曲。
现场即刻有好热烈嘅欢呼声，子华话：「我唔知以前有冇人睇过一套戏，係TVB嘅《幻海奇情》，係专讲啲灵异嘢，我呢首歌就叫《幻海奇情》，係清唱，如果你唔惯粤曲，就揞住双耳，我知有啲人好惊。」
子华接住清唱：「劳碌半生忙打拼，想喺太平盛世，做个小明星，赢咗有糖，时光荏苒……」子华唱到此处，突然间好感动，一度哽咽唱唔到落去，佢拎咗张纸巾印一印对眼，要停一停等心情平伏，现场观众即刻俾掌声鼓励。
子华之后笑自己冇用，佢再唱：「时光荏苒，也不要为君停，人生在世，真係需要能量正，几多难关，难过，讲亦讲唔清，我回首望住，首望住你个红馆至醒悟，能够与各位喺度欢乐一笑，都算係幻海奇情。」
本文来源 网络
版权归原作者所有返回搜狐，查看更多
