中一生提前食團年飯慶...

中一生提前食團年飯慶祝 喊包三兄弟即場測試默契

《中年好聲音》成班朋友感情好到好似一家人咁，佢哋就襯住過年前約埋一齊食團年飯，除咗食好嘢，佢哋仲交換禮物，氣氛非常熱鬧，而呢日三位愛妻號周吉佩、顏志恒同魏嘉信仲帶埋太太出席，原來三位夫人嘅感情絕對唔輸畀老公，非常好感情。魏太Jammy話唔需要三位爸爸在場，佢哋三位媽媽帶埋小朋友都可以好開心出街玩。周吉佩講笑話平時三個家庭相約嘅行程，都係三位太太安排，佢哋三個男人只係跟住行。

喊包三兄弟日前一齊開live唱歌，除此之外，佢哋三對夫婦仲拍咗一條網上挑戰短片，雖然全數失敗，但都只係想令大家一笑。魏嘉信話啲挑戰失敗先好睇，同埋起到鼓舞作用。顏志恒就爆料話魏嘉信每次失敗都會獲太太獻吻。魏嘉信就話呢啲挑戰係好需要互相信任，跟住三個大男人就即場示範，點知一次就成功，贏得全場掌聲。

另外，在場兩位好媽咪李佳同支嚳儀就話會襯新年外遊，享受吓親子時光，李佳就話要珍惜小朋友放假時間出去玩，支嚳儀都話可以一日十二個鐘專注對住小朋友係一件好開心嘅事。龍婷就話希望龍年可以有新歌見吓大家，李佳都話呢個都係自己嘅新年願望。支嚳儀就話嚟梗拍新歌MV，羅啟豪就已經準備好新歌，等派台同大家見面，而林鉫徫就話到個個都出歌，佢就先避一避，丁文俊就透露寫梗新歌，到時會部中一生輪住出新歌，點知鬼馬嘅Bill哥哥吳大強就話個個唱新歌，佢就繼續唱舊歌，因為近排太忙，所以想抽啲時間休息吓。

网址：中一生提前食團年飯慶... https://m.mxgxt.com/news/view/1499920

相关内容

明星飯圈的應援生意鏈
私生飯不是粉絲而是犯罪！除了宋再臨，他們也深受私生困擾：睡覺時被人親，收到未訂的外賣
克勤返港賀台慶 忙綵...
【 劉德華慈善素宴慶生．護生增福種善因 】
熱點追蹤｜整治「飯圈」　追星是件很瘋狂的事嗎？
BTS Jin軍中PO合照慶出道10週年！退伍日適逢11週年，預告開直播與粉絲共度
人民來論：深入整治畸形的“飯圈”文化
周深武漢演唱會圓滿落幕，出道十年慶祝氛圍燃爆江城
#欺詐劇團# (翡翠...
追星族呈現低齡化趨勢 莫讓“飯圈”變怪圈

随便看看